بلدیاتی الیکشن کے دوسرے مرحلے میں 24 جولائی کو ہونے والے انتخابات میں ضلع میں پولیس کے ساتھ فوج اور رینجرز بھی تعینات کرنے کی سفارش
ٹھٹھہ امین فاروقی
بلدیاتی الیکشن کے دوسرے مرحلے میں 24 جولائی کو ہونے والے انتخابات میں ضلع میں پولیس کے ساتھ فوج اور رینجرز بھی تعینات کرنے کی سفارش الیکشن کمشنر ٹھٹھہ عذرہ مہیسر نے پریس کانفرنس میں بتایا ہے
کہ الیکشن کمیشن کی طرف سے دوسرے مرحلے میں ٹھٹھہ میں ہونے والے انتخابات کے پولنگ کے دن پولیس کے ساتھ رینجرز اور فوج بھی تعینات کرنے کی سفارش کی ہے تاکہ ضلع میں سیکیورٹی کے انتظامات سخت ہوں
ضلع میں بلدیاتی الیکشن کے موقع پر ٹھٹھہ شہر میں ایک میونسپل کمیٹی، 5 ٹاون کمیٹیز، ایک ضلع کونسل اور 40 یونین کونسلوں کی ٹوٹل 72 سیٹوں پر انتخابات ہوں گے، انتخابات کے موقع پر 10 ریٹرننگ آفیسر، 20 اسسٹنٹ ریٹرننگ آفیسر مقرر کئے گئے ییں، جبکہ 411 پولنگ اسٹیشن قائم کی گئی ہیں ، جہاں 5 لاکھ 22 ہزار، 5 سو 15 ووٹرز اپنے ووٹ کا حق ادا کریں گے، ٹھٹھہ ضلع میں 289 مشترکہ پولنگ اسٹیشن، 62 مردوں کے
پولنگ اسٹیشن اور 60 عورتوں کے پولنگ اسٹیشن قائم کئے گئے ہیں جبکہ پولنگ بوتھ کی تعداد 1436 ہے جس میں سے 677 خواتین کے پولنگ بوتھ ہوں گے، الیکشن کمشنر عذرا مہیسر نے بتایا کہ انتہائی حساس پولنگ اسٹیشن پر سیکیورٹی کے انتظامات سخت کرنے کے لئے پولیس کے ساتھ فوج اور رینجرز تعینات کرنے کی
سفارش کی گئی ہے اور انتہائی حساس پولنگ اسٹیشن پر سی سی ڈی کیمرے بھی نصب کئے جائیں گے ضلع میں الیکشن کے موقع پر 4 ہزار 5 سو پولنگ عملہ مقرر کیا گیا ہے جن کی تربیت کا پروگرام جاری ہے
