وزیراعظم شہبازشریف کے مشکل فیصلوں کے مثبت اثرات جلد ظاہر ہونگے،کیپٹن عاصم ملک
لاہور(بیورورپورٹ) وزیراعظم شہبازشریف اس وقت بہترین فیصلے کررہے ہیں اور ان شاءاللہ ان فیصلوں کے مثبت اثرات بہت جلد ظاہر ہونگے، سابق حکومت نے پاکستان کو جس بھنور میں پھنسادیا تھا موجودہ حکومت کی دور رس پالیسیوں کی بدولت اب نکل آیا ہے، یہ باتیں اوورسیز پاکستانیز کمیشن پنجاب کے سابق چیف کوارڈینیٹر برائے مڈل ایسٹ کیپٹن عاصم ملک نے ایک بیان میں کیں، انہوں نے کہا
کہ موجودہ حکومت کے ٹھوس اقدامات کی بدولت دوست ممالک کیساتھ ازسرنو تعلقات کی بحالی سے پاکستان عالمی تنہائی سے نکل آیا ہے اوردوست ممالک ایک بار پھر مشکل وقت میں پاکستان سے تعاون کے لیے سامنے آگیے ہیں، کیپٹن عاصم ملک نے کہا کہ سابقہ حکومت کی ناقص پالیسیوں کی وجہ سے پاکستان بین الاقوامی تنہائی کا شکار ہوگیا تھا
لیکن الحمداللہ اب دوست اور برادر ممالک کا اعتماد آہیستہ آہیستہ بحال ہورہا ہے جو اچھے مستقبل کے لیے بہتر پیش رفت ہے، ان شاءاللہ بہت جلد پاکستان اپنے پاوں پر کھڑا ہوجائے گا
