چھ 6 ستمبر کا دن ہمیں جذبہ حریت کی لازوال داستان سناتا ہے،جلیل عمران خان
خانیوال (سعید احمد بھٹی) یوم دفاع پر ڈسٹرکٹ پولیس آفیسرجلیل عمران خان غلزئی کا پیغام
6 ستمبر کا دن ہمیں جذبہ حریت کی لازوال داستان سناتا ہے جب پاک فوج کے جوانوں نے اپنی سرحدوں کے بہادر اور غیورپاسبانوں کی فہرست میں اپنا نام رقم کیاپاکستان کی تینوں افواج کا دفاع اور عوام کے ایثار و قربانی کے مظاہرے ہماری تاریخ کا ایک روشن باب ہیں ہر محا ذپر پاک فوج اور پولیس کے بہادر جوان ملک وقوم کے تحفظ او رسلامتی کی خاطر جام شہادت نوش کرتے آئے ہیں ہمیں ان کی عظیم قربانیوں پر فخر ہے
ہماری زندگیوں کا وجود پاکستان کی بقاء میں مضمر ہے پاکستان کی حفاظت ہم سب کی ذمہ داری ہے اورمحکمہ پولیس کا ہرافسراورجوان ملک کی حفاظت اورشہریوں کے جان ومال کے تحفظ کی خاطر اپنے خون کا آخری قطرہ تک بہانے کو تیارہے‘ شہید کی جو موت ہے وہ قوم کی حیات ہے‘ پاک آرمی اور پولیس کے جوانوں کی لازوال قربانیوں کو کبھی فراموش نہیں کیا جاسکتا‘وطن عزیز کے دفاع کی خاطر جام شہادت نوش کرنے والے ہمارے ہیرو ہیں۔
