کامن ویلتھ گیمز میں گولڈ میڈل جیتنے اور پاکستان کا نام روشن کرنے پر ہم آپ کو خراج تحسین پیش کرتے ہیں. چوہدری محمد اکمل
کامن ویلتھ گیمز کے ہیرو ، گولڈ میڈلسٹ ارشد ندیم اسسٹنٹ کمشنر جہانیاں چوہدری محمد اکمل کی دعوت پر اسسٹنٹ کمشنر آفس جہانیاں میں آمد ، اس موقع پر ڈپٹی سپرنٹنڈنٹ پولیس سرکل جہانیاں چوہدری عبدالکریم ،تحصیلدار جہانیاں طاہر عباس خان کچھی ، چیف آفیسر میونسپل کمیٹی محمد اقبال، بسم اللہ ایسوسی ایٹ کے چیف ایگزیکٹو چوہدری غلام سرور آرائیں، صحافی برادری اور معززین علاقہ نے والہانہ استقبال کیا،
اس موقع پر اسسٹنٹ کمشنر چوہدری محمد اکمل نے کہا کہ کامن ویلتھ گیمز میں گولڈ میڈل جیتنے پر اور پاکستان کا نام روشن کرنے پر ہم آپ کو خراج تحسین پیش کرتے ہیں اور ہمارے لیے باعث فخر ہے کہ اب کا تعلق ہمارے ضلع خانیوال کی سرزمین سے ہے، قومی ہیرو اور گولڈ میڈلسٹ ارشد ندیم نے شاندار استقبال کرنے پر اسسٹنٹ کمشنر
چوہدری محمد اکمل ،ڈپٹی سپرنٹنڈنٹ پولیس سرکل جہانیاں چوہدری عبدالکریم ،تحصیلدار طاہر عباس خان کچھی اور معززین علاقہ کا شکریہ ادا کیا. اس موقع پر مہر محمد ظفر دھنیانہ، حاجی ظفر اقبال، نذیراحمد گوندل ،طلحہ سلیم ، زاہد اقبال ، رضوان ارشد اور شہریوں کی کثیر تعداد موجود تھی.
