اس تعفن زدہ نظام سے نجات حاصل کرنا ازحد ضروری ہے- محمد عرفان مشتاق
شیخوپورہ(بیوروچیف/شیخ محمد طیب سے)اس تعفن زدہ نظام سے نجات حاصل کرنا ازحد ضروری ہے- ان خیالات کا اظہار ضلعی انفارمیشن سیکرٹری پاکستان عوامی تحریک شیخوپورہ محمد عرفان مشتاق نے میڈیا سے گفتگو کرتے ہوئے اپنے ایک بیان میں کیا- انہوں نے کہا کہ 75 سالوں سے یہ اژدھا عوام کا خون چوس کر اپنے خاندانوں کو پال رہا ہے- انہوں نے کہا کہ ہم قائد تحریک ڈاکٹر طاہرالقادری کی ولولہ انگیز قیادت میں مصطفوی انقلاب کی جدوجہد کے لئے شب و روز کوشاں ہیں- انہوں نے کہا
کہ ہر وہ شخص اور ادارہ جو اس نظام کا بینیفشری ہے کبھی اس نظام کو گرنے نہیں دے گا، حالانکہ 75سال سے یہ اژدھا عوام کا خون چوس کر اپنے خاندانوں کو پال رہا ہے، اس کا واحد حل صرف اس تعفن زدہ نظام سے نجات حاصل کرنا ہے اور یہ اجتماعی عوامی طاقت سے ہی ممکن ہے