الحرمین ڈینٹل کیئر واقع نزد گول مسجد ماہانہ فری میڈیکل کیمپ کا انعقاد
شیخوپورہ(بیوروچیف/شیخ محمد طیب سے)
الحرمین ڈینٹل کیئر واقع نزد گول مسجد ماہانہ فری میڈیکل کیمپ کا انعقاد کیا گیا جس کا افتتاح سابق صدر متحدہ امن کونسل مولانا عزیز الرحمن، جنرل سیکرٹری حاجی طاہر جاوید نقشبندی، ایڈیشنل جنرل سیکرٹری رانا محمد اکرم اور فنانس سیکرٹری شیخ سرفراز احمد نے کیا- اس موقع پر دیگر نمائندہ افراد موجود تھے
، فری میڈیکل کیمپ میں معروف ڈینٹل سرجن ڈاکٹر رانا عبدالمنیب، ڈینٹل سرجن ڈاکٹر منیزہ منیب اکرم نے دانتوں کے علاج و تشخیص کے حوالے سے خدمات سرانجام دیں جبکہ ڈاکٹر عنبر فاطمہ نے نیوٹریشن کے حوالے سے مریضوں کے چیک اپ کئے- مہمان شخصیات نے کیمپ کے انعقاد کے اقدام اور ڈاکٹر و پیرا میڈیکل سٹاف کی خدمات کو سراہا اور آئندہ بھی فری میڈیکل کیمپ کے انعقاد کا اقدام جاری رکھنے کی ضرورت پر زور دیا-
اس موقع پر میڈیا سے گفتگو کرتے ہوئے ڈاکٹر رانا عبدالمنیب نے کہا کہ فری میڈیکل کیمپس کے انعقاد سے مستحق مریض مستفید ہورہے ہیں جو یقینا معاشرے کے پسماندہ طبقات کیلئے ایک بڑی سہولت ہے، بے سہارا ونادار افراد کی خدمت دلوں کو سکون دینے کا ذریعہ ہے اور ہم خود کو خوش نصیب سمجھتے ہیں
کہ اللہ تعالیٰ نے ہمیں اس خدمت پر مامور کیا ہے اور اس فریضہ کی انجام دہی کیلئے ہم پرعزم ہیں- ان کا یہ بھی کہنا تھا کہ انشاءاللہ فری میڈیکل کیمپس کے انعقاد کا سلسلہ جاری رکھا جائے گا۔
