آل پاکستان پاسٹرز الائنس کے زیراہتمام کرسمس کی آمد کے حوالے سے تقریب کا اہتمام’
شیخوپورہ(بیوروچیف/شیخ محمد طیب سے)آل پاکستان پاسٹرز الائنس کے زیراہتمام کرسمس کی آمد کے حوالے سے تقریب کا اہتمام – تفصیلات کے مطابق تقریب میں ایس ایچ او ز ظہیر الحسن شاہ، ایس ایچ او ملک شبیر احمد، ایس ایچ او خرم شہزاد ڈوگر، سکیورٹی انچارج میاں منظور احمد، مسیحی رہنما ناظم مسیح، چوہدری اشرف سمیت مسیحی برادری کے مرد و خواتین کی کثیر تعداد نے شرکت کی
– اس موقع پر تقریب سے خطاب کرتے ہوئے ڈی پی او شیخوپورہ نوید ارشاد کا کہنا تھا کہ ضلع بھر میں کرسمس کے موقع پر سکیورٹی کے فول پروف انتظامات کیے جائیں گے، مسیحی برادری کو مذہبی رسومات کی ادائیگی کے لیے تمام ضروری سہولیات فراہم کی جائیں گی اور میں ذاتی طو ر پر گرجا گھروں کا دورہ کرکے سیکیورٹی کے انتظامات کا جائزہ لوں گا اور اس ضمن میں کوئی کوتاہی برداشت نہیں کی جائیگی-
انہوں نے کہا کہ مسیحی برادری نے پاکستان کے قیام ،ترقی و خوشحالی اور تعمیر وطن میں بھرپور کردار ادا کیا ہے انہوں نے مزید کہا کہ ملکر کرسمس کا تہوار منانے سے یگانگت محبت اور باہمی تعلقات کو فروغ ملتا ہے اور ہم مسیحی برادری کی خوشیوں میں برابر کے شریک ہیں۔ تقریب کے آخر میں ڈاکٹر شہزاد قیصر نے تمام آنے والے مہمانوں کا شکریہ ادا کیا اور ملکی سلامتی اور ترقی کیلئے دعا بھی کی گئی