علمی وادبی تنظیم “دریچہ” کے زیراہتمام محمد نعیم مجوکہ کی میزبانی میں سیرت سرائے پر خصوصی اجلاس کا انعقاد
شیخوپورہ(بیوروچیف/شیخ محمد طیب سے)
علمی وادبی تنظیم “دریچہ” کا ایک خصوصی اجلاس محمد نعیم مجوکہ کی میزبانی میں سیرت سرائے پہ منعقد ہوا، حسب معمول تلاوتِ کلامِ مجید سے آغاز ہوا اور پھر بعض ضروری انتظامی معاملات زیر غور آئے- متفقہ طور پر ڈاکٹر پیر شاہ، سید تیمور کاظمی اور ڈاکٹر ملک فخر عظیم کو رکنیت دینے کا با ضابطہ فیصلہ کیا گیا
جبکہ نئے سال 2023 کے لیے ارشد نعیم کو سیکرٹری اور محسن انصاری کو جوائنٹ سیکرٹری منتخب کیا گیا- ڈاکٹر اشفاق احمد ورک کے شعری مجموعے “مجال ” کی اشاعت اور ان کے جنم دن کی مناسبت سے انھیں مبارکباد دی گئی، محمد نعیم مجوکہ کو ڈی ایس پی کے عہدہ پر ترقی ملنے پہ بھی انھیں مبارکباد پیش کی گئی-
اجلاس کے شرکاء میں ڈاکٹر محمد اکرم سعید، اصغر علی جاوید ،ارشد نعیم ،اشرف نقوی، پروفیسر خرم عباس ورک، اظہر عباس، نعیم گیلانی، پروفیسر علی آصف، محمد نعیم مجوکہ، محسن انصاری اور ڈاکٹر پیر شاہ کے نام شامل ہیں- الیکشن کمشنر کے فرائض اصغر علی جاوید نے انجام دئیے- اجلاس کے اختتام پر محمد نعیم مجوکہ نے شرکاء کے اعزاز میں عشائیہ دیا
