سانحہ پشاور میں قیمتی جانوں کے ضیاع پر ہر آنکھ نم ہے دہشت گردی کی اس کارروائی کی جتنی مذمت کی جائے کم ہے، ندیم کامران
راولپنڈی ( بیورو ر چیف)بشپ آف لاہور ندیم کامران نے کہا ہے کہ سانحہ پشاور میں قیمتی جانوں کے ضیاع پر ہر آنکھ نم ہے دہشت گردی کی اس کارروائی کی جتنی مذمت کی جائے کم ہے اور کہا کہ سویڈن میں قرآن پاک کی بے حرمتی سے مسلمانوں کی دل آزاری ہوئی ان اقدامات سے نفرتیں مزید بڑھیں گی ان خیالات کا اظہار انہوں نے بدھ کو عید گاہ شریف میں پیر نقیب الرحمان اور پیر محمد حسان. حسیب الرحمن سے ملاقات کے دوران کیا
۔پیر نقیب الرحمان اور پیر حسان الرحمان نے بشت آف لاہور ندیم کامران اور البرٹ ڈیوڈ کو عید گاہ شریف آمد پر خوش آمدید کہا ان کا کہنا تھا کہ سانحہ پشاورکی جتنی مذمت کی جائے کم ہے دشمن قوتیں پاکستان کے امن کو تباہ کرنا چاہتے ہیں تاہم سیکیورٹی فورسز دشمن کے ہر وار کا بھرپور جواب دیں گی اور دہشت گردی کو جڑ سے ختم کرنے کیلئے ہر ممکن اقدامات اٹھائے جائیں گے ۔
