سرگودھا میں ایک اور بزرگ شہری مفت آٹے کے حصول میں دل کا دورہ پڑنے سے جاں بحق ہوگیا۔

ریسکیو ذرائع کے مطابق یہ واقعہ سرگودھا کے علاقے استقلال آباد میں مفت آٹاپوائنٹ پر پیش آیا جہاں ایک بزرگ شہری آٹے کے حصول کیلئے موجود تھے کہ انہیں دل کا دورہ پڑ گیا۔

ریسکیو حکام کی جانب سے مزید بتایا گیا کہ بزرگ شہری کو طبی امداد کے لیے اسپتال منتقل کیاگیا جہاں وہ دوران علاج انتقال کرگیا۔

انتقال کرنے والے بزرگ شہری کے بیٹےکامؤقف تھا کہ والد کو 2 دفعہ پہلے بھی دل کا دورہ پڑ چکا تھا، والدکی وفات قدرتی طورپر ہوئی،کسی قسم کی قانونی کارروائی نہیں چاہتا۔