پاکستان پیپلز پارٹی راولپنڈی سٹی کی قیادت نے پی ڈی ایم کی قیادت میں ہونے والے احتجاجی مظاہرے کی تیاریاں مکمل
راولپنڈی (بیورو رپورٹ) پاکستان پیپلز پارٹی راولپنڈی سٹی کی قیادت نے پی ڈی ایم کی قیادت میں ہونے والے احتجاجی مظاہرے کی تیاریاں مکمل کرلیں ۔ پاکستان پیپلز پارٹی راولپنڈی سٹی کے قافلے سوموار کی صبح دس بجے بے نظیر بھٹو شہید کی جائے شہادت لیاقت باغ سے رانا رفاقت علی خان اور میاں خرم رسول کی قیادت میں قافلے روانہ ہونگے ۔ تفصیلات کے مطابق پاکستان پیپلز پارٹی کے مرکزی سیکرٹری جنرل سید نیئر حسین بخاری کی ہدایت کے مطابق پاکستان پیپلز پارٹی راولپنڈی سٹی تنظیم ،
وارڈ کمیٹیوں اور تما م الائیڈ و نگز کے عہدیداران، پنجاب کونسل کے اراکین ۔ نمائندگان و پارٹی کے صوبائی اسمبلی کے ٹکٹس ہولڈرز بلدیاتی نمائندگان اورکارکنان صبح دس بجے لیاقت باغ میں بے نظیر بھٹو شہید کی جائے شہادت میں جمع ہونگے اور وہاں سے پاکستان پیپلز پارٹی پنجاب کے نائب صدر رانا رفاقت علی خان ،
سابق وزیر اعظم یوسف رضا گیلانی کے مشیر میاں خرم رسول و دیگر کی قیادت میں قافلے سپریم کورٹ اسلام آباد کی جانب روانہ ہونگے جہاں پی ڈی ایم کی جانب سے سپریم کورٹ آف پاکستان کے سامنے احتجاجی مظاہرہ کیا جائے گا۔