لاہور :  پنجاب پولیس کے ترجمان کا کہنا ہے کہ سرکاری و نجی اداروں پر حملوں، توڑ پھوڑ، تشدد اور  جلاؤگھیراؤ میں ملوث 3368 شرپسندوں کو گرفتار کیا جا چکا ہے۔

ترجمان کا کہنا ہے کہ عمران خان کی گرفتاری کے بعد پرتشدد مظاہروں میں پنجاب بھرمیں 162 پولیس افسران اور  اہلکار شدید زخمی ہوئے، پنجاب پولیس کے زیر استعمال 94 گاڑیوں کو توڑ پھوڑ اور  آگ لگائی گئی، پولیس اسٹیشنز اور دفاتر سمیت 22 سرکاری عمارتوں کو نقصان پہنچایا گیا۔

آئی جی پنجاب ڈاکٹر عثمان انور کا کہنا ہے کہ پرتشدد واقعات میں ملوث ملزمان کی نشاندہی اور گرفتاری کا سلسلہ جاری ہے، ریاست کی رٹ چیلنج کرنے والے شرپسند عناصر کو قانون کےکٹہرےمیں لائیں گے۔