معروف سینئر اینکر و سماجی رہنما میڈم شاہین ورک کی شیخوپورہ آمد
معروف سینئر اینکر و سماجی رہنما میڈم شاہین ورک کی شیخوپورہ آمد، تفصیلات کے مطابق معروف سینئر اینکر و سماجی رہنما میڈم شاہین ورک کی شیخوپورہ آمد ہوئی جن کا صحافی و کالمسٹ شیخ محمد طیب، سینئر صحافی و صدر ڈسٹرکٹ کلرکس بار ایسوسی ایشن شیخوپورہ غلام شبیر ترابی، صباحت شبیر ترابی ایڈووکیٹ اور میڈم عظمیٰ ضیاء ایڈووکیٹ نے کچہری آفس میں استقبال کیا- اس موقع پر معروف سینئر اینکر و سماجی رہنما میڈم شاہین ورک نے دوران گفتگو مختلف صحافتی امور اور باہمی دلچسپی کے معاملات پر تبادلہ خیال کیا،
اس موقع پر گفتگو کرتےہوئے انہوں نے کہا کہ صحافت ملک کا اہم چوتھا ستون ہے اور ایک مقدس کام ہے جس میں پیشہ وارانہ تربیت کا حصول لازم ہونا چاہئیے کیونکہ صحافی معاشرے کی آنکھ اور کان ہوتے ہیں، میڈم شاہین ورک کا کہنا تھا کہ ظلم و ستم کے شکار شہریوں کی آواز بننا بہت بڑا جہاد ہے، مزید کہنا تھا کہ ملک بھر میں شب و روز کام کرنے والے صحافیوں کو تحفظ فراہم کیا جانا انتہائی ضروری ہے،
صحافیوں پر تشدد اور بے بنیاد مقدمات کی مذمت کرتی ہوں- اس موقع پر صباحت شبیر ترابی ایڈووکیٹ اور میڈم عظمیٰ ضیاء ایڈووکیٹ کا اظہار خیال کرتے ہوئے کہنا تھا کہ ملک کا آئین اور قانون سب کے لیے برابر ہے، صحافی برادری کو ہر طرح کا قانونی حق حاصل ہے کہ وہ اپنے پیشہ وارانہ امور کی آزادنہ طور پر انجام دہی کرسکیں اور ملک و قوم کو باخبر رکھنے میں مثبت کردارر ادا کرسکیں
