لاہور میں جلاؤ گھیراؤ اور توڑ پھوڑ کے معاملے میں پی ٹی آئی رہنماؤں کے رابطوں کی مزید تفصیلات سامنے آئی ہیں۔

پولیس ذرائع کے مطابق جلاؤ گھیراؤ اور توڑپھوڑکے معاملے میں حماد اظہر اور  اسلم اقبال کا عمران خان اورپارٹی ورکرز سے 700 مرتبہ رابطہ ہوا۔

پولیس ذرائع کا بتانا ہےکہ حماد اظہر اور اسلم اقبال کی 10 سے 15 مرتبہ لوکیشن تبدیل ہوئی، دونوں رہنماؤں کے رشتے داروں سمیت کئی افرادکو حراست میں لیا جاچکا ہے۔

پولیس ذرائع کے مطابق حماد اظہر اور میاں اسلم اقبال مختلف سموں سے رابطے کر رہے ہیں، میاں اسلم اقبال کے بھائی، بھتیجے اور رشتے داروں کو گرفتار کیا گیا ہے، حماد اظہر کے سیکرٹری اور دیگر رشتے داروں کوبھی حراست میں لیا گیا ہے۔