سانحہ یونان انسانی سمگلنگ میں ملوث کرداروں کو اور ان کی پشت پناہی کرنے والوں کو گرفتار کرکے الٹالٹکاکر گولی مار دی جائے،امجد علی
اسلام گڑھ ( آن لائن ) سانحہ یونان انسانی سمگلنگ میں ملوث کرداروں کو اور ان کی پشت پناہی کرنے والوں کو گرفتار کرکے الٹالٹکاکر گولی مار دی جائے تاکہ آئندہ پاکستان اور آزادکشمیر میں انسانی سمگلنگ کی جرات پیدا نہ ہوسکے ۔پاکستان اور آزادکشمیر کا ان انسانی سمگلروں نے نام بدنام کرکے رکھ دیا ہے ۔انٹرنیشنل اخبارات اور خبروں کے مطابق دنیا میں سب سے زیادہ انسانی سمگلنگ پاکستان اور آزادکشمیر سے کی جاتی ہے
۔اسلیے یہ کسی معافی کے لائق نہیں ہیں اور انہیں سزاد ی جائے صدر چنار پریس کلب رجسٹرڈ تحصیل اسلام گڑھ امجد علی چودھری۔ان خیالات کا اظہار چنار پریس کلب رجسٹرڈ تحصیل اسلام گڑھ کے صدر چودھری امجد علی نے گزشتہ روز سانحہ یونان کے حوالے سے پریس کلب میں منعقدہ تعزیتی اجلاس میںکرتے ہوئے کیا اجلاس میں سپریم ہیڈ چودھری عبدالرزاق نیازی ،سرپرست اعلیٰ سلطان محمود مرزا،جنرل سیکرٹری کاشف اکبر،سینئر نائب صدر جاوید بٹ،نائب صدر محمد سلیم بزمی ،جاوید اختر چودھری کو سیکرٹری مالیات،ڈپٹی سیکرٹری جنرل عقیل نیازی اورراجہ اویس بشارت کوسیکرٹری نشرو اشاعت ،
اس موقع پر ان کے ہمراہ منیر حسین کیانی ،عبدالرائوف قمر ، اورنگزیب نقیبی ،حاجی عبدالمجید اور دیگر نے بھی سید صابرحسین راجوروی کے ہمراہ وزیر اعظم پاکستان ،وزیر اعظم آزادکشمیر ،سپریم کورٹ پاکستان ،سپریم کورٹ آزادکشمیر اور ان کے ماتحت عدالتوں سے مطالبہ کرتے ہوئے کہاکہ ہے کہ ان انسانی سمگلروں کے خلاف اور ان کی پشت پناہی کرنے والوں کے خلاف بھرپور کاروائی کرتے ہوئے
سرعام چوکوں میں پھانسی دیکر یا گولیاں مار کر لواحقین کے ساتھ اظہار یک جہتی کی جائے۔حکومتی اور انتظامی سطح پر انسانی سمگلروں کے اس دھندے کو بند کروانے اور ایکشن لینے کی سخت اقدامات کروانے کی ضرورت ہے تاکہ موت کا کھیل بند ہوسکے ۔
