شیخوپورہ، صفدر آباد میں مبینہ پولیس مقابلہ, 2 خطرناک ڈاکو گرفتار ،1 پولیس کنسٹیبل زخمی۔ پولیس ذرائع
شیخوپورہ(بیورورپورٹ)شیخوپورہ کے نواحی علاقہ صفدر آباد میں مبینہ پولیس مقابلہ, 2 خطرناک ڈاکو گرفتار ،1 پولیس کنسٹیبل زخمی ہوگیا- پولیس ذرائع کے مطابق ڈاکو شاہکوٹ سے ڈکیتی کرکے صفدرآباد کی طرف آرہے تھے کہ اطلاع موصول ہونے پر پولیس نے علاقہ کی ناکہ بندی کرکے ڈاکووں کی گرفتاری کے لیے ٹیمیں تشکیل دے دیں-
ذرائع کے مطابق بتایا گیا ہے کہ پولیس پارٹی کو دیکھ کر ڈاکوؤں نے قریبی کھیتوں میں چھپ کر فائرنگ کرنا شروع کر دی جس کے بعد پولیس نے بڑی حکمت عملی کے ساتھ دونوں ڈاکووں کو گرفتار کر لیا، ڈاکووں کے قبضہ سے اسلحہ ,موٹر سائیکل, نقدی اور موبائل فونز برآمد ہوئے- ڈاکووں کی گرفتاری پر اہل علاقہ کی جانب سے پنجاب پولیس کو خراج تحسین پیش کیا گیا
