فلاحی مرکز محکمہ بہبود آبادی جھبراں میں بے بی شو کا انعقاد، صحت مند بچوں کا مقابلہ ہوا
شیخوپورہ(بیوروچیف/شیخ محمد طیب سے)فلاحی مرکز محکمہ بہبود آبادی جھبراں میں بے بی شو کا انعقاد کیا گیا جس میں صحت مند بچوں کا مقابلہ ہوا جس کے مہمان خصوصی ڈپٹی ڈسٹرکٹ آفیسر محکمہ بہبود آبادی شیخوپورہ عاصم نواز چیمہ تھے جنہوں نے اول دوئم اور سوئم آنے والے بچوں میں انعامات تقسیم کئے، اس موقع پر رضوان احمد و دیگر افسران سمیت اختر رسول جنجوعہ موجود تھے، شرکاء سے خطاب کرتے ہوئے
عاصم نواز چیمہ نے کہا کہ صحت مند بچوں کا مقابلہ منعقد کرنے کا مقصد صحت مندانہ سرگرمیوں کو فروغ دینا ہے تاکہ ماں اور بچے کی صحت کے تحفظ کی اہمیت کے حوالے سے آگاہی دی جاسکے، انہوں نے کہا کہ بچوں کی صحت کے تحفظ پر خصوصی توجہ دینے کی ضرورت ہے کیونکہ صحت مند زہن کیلئے صحت مند جسم ضروری ہے، انہوں نے کہا کہ محکمہ بہبود آبادی کی خدمات ناقابل فراموش ہیں ہم محکمانہ سرگرمیوں کے فروغ کے ساتھ ساتھ دیہی علاقوں میں صحت کی سہولیات کی فراہمی کیلئے بھی سرگرم عمل ہیں جس کی خاطر مربوط اقدامات اٹھائے گئے ہیں
