پاکستان تحریک انصاف کے چیئرمین عمران خان کی  اڈیالہ جیل منتقلی کے انتظامات مکمل کرلیے گئے۔

ذرائع کے مطابق چیئرمین پی ٹی آئی کو ہائی سکیورٹی بیرک میں رکھا جائے گا اور انہیں اے کلاس فوری نہیں دی جائے گی۔

ذرائع کا کہنا ہے کہ عدالتی احکامات پر عمران خان کو اے یا بی کلاس ملےگی۔

ذرائع نے بتایاکہ جیل منتقلی پرچیئرمین پی ٹی آئی کی تلاشی ہوگی اور میڈیکل کیا جائے گا اور انہیں جیل میں تیار کھانا فراہم کیا جائے گا۔

توشہ خانہ کیس میں عمران خان گرفتار

اسلام آباد کی عدالت نے توشہ خانہ کیس میں عمران خان کو تین سال قید کی سزا سنائی ہے جس کے بعد چیئرمین پی ٹی آئی کو لاہور سے گرفتار کرلیا گیا۔

اسلام آباد کی ڈسٹرکٹ اینڈ سیشن عدالت نے چیئرمین تحریک انصاف عمران خان کو تین سال قید کی سزا سنائی اور ایک لاکھ روپے جرمانہ بھی عائد کیا۔

عدالت نے اپنے فیصلے میں کہا کہ اگر عمران خان ایک لاکھ روپے جرمانہ نہیں دیں گے تو 6 ماہ مزید قید ہوگی۔