خیبر میں سکیورٹی فورسز اور دہشت گردوں کے درمیان فائرنگ کے تبادلے میں ایک  دہشتگرد ہلاک ہوگیا۔

پاک فوج کے شعبہ تعلقات عامہ (آئی ایس پی آر) کے مطابق خیبر کے علاقے تیراہ میں 31 اگست اور یکم ستمبر کی درمیانی شب سکیورٹی فورسز اور دہشتگردوں کے درمیان جھڑپ ہوئی۔

آئی ایس پی آر نے بتایاکہ سکیورٹی فورسز نے مؤثر طریقے سے دہشت گردوں کے ٹھکانے کا پتہ لگایااور فائرنگ کے تبادلے میں ایک دہشت گرد ہلاک ہوگیا۔ 

ہلاک دہشت گرد سکیورٹی فورسز کے خلاف دہشت گردی کی متعدد کارروائیوں اور معصوم شہریوں کے قتل میں سرگرم تھا۔

آئی ایس پی آر کے مطابق شدید فائرنگ کے تبادلے میں 36 سالہ حوالدار منتظر شاہ نے بہادری سے لڑتے ہوئے جام شہادت نوش کیا، شہید حوالدار منتظر شاہ کا تعلق ضلع صوابی سے تھا۔

آئی ایس پی آر کا کہنا ہے کہ علاقے میں موجود دیگر دہشت گردوں کے خاتمے کیلئے کلیئرنس آپریشن بھی کیا گیا۔