آزاد کشمیر کی غیور عوام نااہل حکومتی ٹولے اور مفادپرست کرپٹ مافیاز سے چھٹکارا حاصل کرنا چاہتے ہیں ،سردار امتیاز خان
اسلام آباد (سٹاف رپورٹر)سابق معاون خصوصی وزیر اعظم آزاد کشمیر سردار امتیاز خان نے کہا ہے کہ آزاد کشمیر کی غیور عوام نااہل حکومتی ٹولے اور مفادپرست کرپٹ مافیاز سے چھٹکارا حاصل کرنا چاہتے ہیں ، عوام، پی پی پی، مسلم لیگ کے اسلوبِ حکمرانی اور ناکامیوں سے تنگ آگئے ہیں، عوام مسیحا کی تلاش میں ہیں۔ انوار الحق ناکام ترین وزیراعظم ہیں ، یہ وزیراعظم اپنی زبان سے لوگوں کے زخموں پر نمک چھڑکتا ہے،
موجودہ وزیراعظم چوہدری انوار الحق اس منصب کیلئے خود کو اہل ثابت کرنے میں مکمل ناکام ہوگئے ہیں،انہوں نے کہا ہے کہ انوار الحق سرکار ہر شعبے میں ناکام، عوامی احتجاجی تحریکوں نے حکومت پر عدم اعتماد کردیا،انوار الحق تمام اختیارات اپنے پاس رکھے ہوئے ہیں، درجنوں وزراء کئی ماہ سے بے محکمہ ہیں. قانون ساز اسمبلی کے چار اجلاس ہوئے جن کی کاروائی محض ایک، ایک دن سے آگے نہ بڑھ سکی، حکومت اسمبلی کاروائی اور سوال جواب کے خوف میں مبتلا ہے
