بسلسلہ یوم تاسیس منہاج القرآن علماء کونسل مشاورتی اجلاس آج منعقد ہوگا

بسلسلہ یوم تاسیس منہاج القرآن علماء کونسل مشاورتی اجلاس آج منعقد ہوگا

شیخوپورہ(بیوروچیف/شیخ محمد طیب سے)بسلسلہ یوم تاسیس منہاج القرآن علماء کونسل مشاورتی اجلاس آج منعقد ہوگا- تفصیلات کے مطابق ضلعی ناظم منہاج القران علماء کونسل شیخوپورہ خالد محمود منہاجین نے میڈیا کو دوران بریفنگ بتایا کہ بسلسلہ یوم تاسیس منہاج القرآن علماء کونسل مشاورتی اجلاس آج مورخہ 16 اکتوبر بروز سوموار شام 4 بجے ضلعی دفتر منہاج القران علماء کونسل شیخوپورہ جامعہ برہان القرآن غلہ منڈی شیخوپورہ میں منعقد ہوگا-

انہوں نے بتایا کہ زیر صدارت ضلعی صدر منہاج القرآن علماء کونسل شاگرد رشید ڈاکٹر طاہرالقادری فاضل منہاج انٹرنیشل یونیورسٹی علامہ اقبال اکبر منعقدہ اجلاس میں قائد تحریک ڈاکٹر طاہرالقادری کی مایہ ناز نئی تصنیف کی تقریب رونمائی کی مشاورت بھی کی جائے گی، اس اجلاس میں ضلع شیخوپورہ بھر سے منہاج القرآن علماء کونسل کے عہدیداران و تنظیمی ممبران شریک ہونگے- اس موقع پر ضلعی ناظم منہاج القرآن علماء کونسل شیخوپورہ خالد محمود منہاجین کا کہنا تھا کہ قائد تحریک ڈاکٹر طاہرالقادری کی مایہ ناز نئی تصنیف الموسوعة القادریہ فی العلوم الحدیثیہ ایک ضخیم مجموعہ ہے

جس پر قائد تحریک پروفیسر ڈاکٹرالقادری نے دنیا بھر کے مشائخ عظام و جید علماء کرام سے داد سند وصول فرمائی اور دنیا بھر میں اس مجموعہ احادیث مبارکہ پر مبنی تصنیف کی تقاریب رونمائی منعقد کی جارہی ہیں جوکہ اسکی اہمیت و افادیت کا منہ بولتا مدلل ثبوت ہے اسلئے ڈاکٹر طاہرالقادری کی مایہ ناز نئی تصنیف الموسوعة القادریہ فی العلوم الحدیثیہ کو احادیث مبارکہ کے حوالے سے ریسرچ پر مبنی اس صدی کا شاہکار قرار دیا جارہا ہے جس سے تمام مومنین و مومنات ضرور استفادہ کریں