پشاور  میں گورنمنٹ کالج چوک فقیر آباد کے قریب نامعلوم  موٹرسائیکل سواروں نے فائرنگ کرکے خواجہ سرا کو قتل کر دیا۔

 ایس پی فقیر آباد ڈویژن اسامہ امین چیمہ کے مطابق جائے وقوعہ سے خالی خول اور  دیگر شواہد اکٹھے کرلیے ہیں، تحقیقات جاری ہیں۔

پولیس نےلاش  تحویل میں لےکر پوسٹ مارٹم کے لیے اسپتال منتقل کر دی ہے، جائے وقوعہ پر اردگرد لگے سی سی ٹی وی فوٹیج کی مدد سے ملزمان کی تلاش بھی شروع کر دی ہے۔ 

پولیس کے مطابق مقتول خواجہ سرا نجی یونیورسٹی کے قریب ایک پلازہ میں مقیم تھا۔