لاہور: مسلم لیگ ن پنجاب کے صدر  رانا ثنااللہ نےکہا ہےکہ  انٹرا پارٹی الیکشن نہ کرانے کی سہولت تمام جماعتوں کو دی جائے۔

ایک بیان میں پشاور ہائی کورٹ کے پی ٹی آئی کے انٹرا پارٹی الیکشن اور بلے کے نشان سے متعلق کیس کے فیصلے پر ردعمل دیتے ہوئے رانا ثنااللہ کا کہنا تھا کہ پشاور ہائی کورٹ کے فیصلےکے بعد الیکشن ایکٹ 2017 عملاً ختم ہوگیا۔

رانا ثنااللہ کا کہنا تھا کہ  پشاور ہائی کورٹ کے فیصلے کے بعد جماعتوں کے اندر الیکشن کرانے کی  ضرورت نہیں  رہی، فیصلہ قانون کی ہار  اور قانون شکن کی جیت ہے، ثابت ہوا لاڈلہ عزیز ہے، فیصلہ 9 مئی کے مجرموں کی حوصلہ افزائی ہے۔

سابق وزیر قانون کا کہنا تھا کہ  فیصلہ الیکشن کمیشن کو  تالا لگانے کے مترادف ہے، الیکشن کمیشن نے قانون پر عمل کیا لیکن فیصلہ لاڈلےکے حق میں آیا۔