پارکس اینڈ ہارٹی کلچر اتھارٹی راولپنڈی کے زیر اہتمام نیزہ بازی کے تاریخ ساز مقابلے
راولپنڈی ( بیوروچیف ) پارکس اینڈ ہارٹی کلچر اتھارٹی راولپنڈی کے زیر اہتمام گھڑسواری اور نیزہ بازی کے تاریخ ساز مقابلوں کا انعقاد گورکھپور نرسری میں رواں ہفتے 11-12 مئی کو کیا جا رہا ہے۔
پی ایچ اے گورکھپور نرسری میں منعقد ہونیوالے نیزہ بازی کی مقابلوں میں ملک بھر سے ٹیمیں حصہ لے رہی ہیں۔
ڈائریکٹر جنرل پی ایچ اے احمد حسن رانجھا نے گزشتہ روز پی ایچ اے ہیڈ کوارٹر راولپنڈی میں ایک اجلاس کہ سربراہی کی اور تمام متعلقہ انتظامات کو حتمی شکل دی گئی ۔
احمد حسن رانجھا نے کہا ہے نیزہ بازی 18ویں صدی سے شروع ہونیوالا روائتی کھیل ہے اور یہ کھیل ہماری دیہی ثقافت کی بھرپور عکاسی کرتا ہے۔
پی ایچ اے راولپنڈی کے زیر اہتمام گھڑ سواری اور نیزہ بازی کے ان مقابلوں میں ملک بھر سے کثیر تعداد میں گھڑ سوار اس ایونٹ میں حصہ لے رہے ہیں۔
پی ایچ اے نرسری گورکھپور میں رواں ہفتے دو دن 11-12 مئی کو ان کھیلوں کا انعقاد ہو گا اور راولپنڈی میں نیزہ بازی کے حوالے سے یہ سب سے بڑے مقابلے ہو نگے۔
