مسلم لیگ ن عوام کی تمام محرومیوں کا ازالہ کرے گی اور ہر طرف خوشحالی کا دور دورہ ہوگا،چوہدری نعیم اختر
پیرس( بیوروچیف)چیئرمین جموں وکشمیر فورم فرانس،ممبر مرکزی مجلس عاملہ مسلم لیگ ن وسابق کوآرڈینیٹر وزیراعظم آزادکشمیر برائے یورپ چوہدری نعیم اختر نے کہا ہے کہ قائد پاکستان مسلم لیگ ن محمد نواز شریف کے پارٹی صدر منتخب ہونے سے ایک بار پھر جمہوریت کی فتح ہوئی انھوں نے کہا کہ مسلم لیگ ن ملک کی سب سے بڑی سیاسی جماعت ہے اور قائد محمد نواز شریف ملک کے سب سے مقبول ترین سیاسی لیڈر ہیں ان خیالات کا اظہار انھوں نے میڈیا سے گفتگو کرتے ہوئے کیا انھوں نے کہا کہ مسلم لیگ(ن) محمد نواز شریف کے بغیر نامکمل ہے
انھوں نے کہا کہ محمد نواز شریف نے دوبارہ پارٹی صدر بن کر ثابت کر دیا ہے کہ وہ وفاق کی علامت ہیں۔انھوں نے کہا کہ
مسلم لیگ (ن) محمد نواز شریف کی قیادت میں ملک کی خوشحالی اور ترقی کے منصوبے کو پایا تکمیل تک پہنچائے گی آج 28 مئی کا دن ایک یادگار دن ہے جب قائد محمد نواز شریف نے چاغی کے پہاڑوں پر ایٹمی دھماکے کئے اور ثابت کیا کہ وہ اپنی کسی بات سے پیچھے نہیں ہٹے اور نہ ان کے قدم ڈگمگائے انھوں نے ایٹمی دھماکے کر کے دشمن کا غرور خاک میں ملا دیا۔انھوں نے کہا کہ محمد نواز شریف کی مرہون منت آج ایک بار پھر مسلم لیگ ن اقتدار میں موجود ہے اور عوام کی خدمت میں مصروف عمل ہے ان شاء اللہ مسلم لیگ ن عوام کی تمام محرومیوں کا ازالہ کرے گی اور ہر طرف خوشحالی کا دور دورہ ہوگا۔
