اسلام آباد انتظامیہ کی جانب سے  باجوں  پر  پابندی کے  باوجود  یوم آزادی کے موقع   پر  وفاقی دارالحکومت  میں دن  بھر منچلے  باجے  بجاتے  رہے۔

اسلام آباد میں باجا بجانے پرپابندی کےنوٹیفکیشن پر انتظامیہ عمل نہ کراسکی، باجوں کی خرید وفروخت اور استعمال شاہراہوں پر بلا روک ٹوک جاری رہا۔

خیال رہے کہ ایڈیشنل ڈپٹی کمشنر  نے 10 روز کے لیے باجوں کی خریدو فروخت اور استعمال  پر  پابندی عائدکی تھی۔

8 اگست کو ایڈیشنل ڈپٹی کمشنر نے نوٹیفکیشن جاری کیا تھا لیکن باجوں کی فروخت جاری رہی اور  باجے بجائے بھی جاتے رہے اورباجوں کے شورکی وجہ سے عوامی سکون میں خلل پڑتا رہا۔

دن بھر منچلوں کی جانب سے اسلام آباد میں باجوں کا استعمال زور شور سے جاری رہا۔