جہانیاں کے نجی کالج کے ڈائریکٹر نے کالج چھوڑنے کی رنجش پر استاد گرفتار کروا دیا, ایس او پیز پر عمل نہ کرنے کا الزام,
جہانیاں(سعید احمد بھٹی ) جہانیاں کے نجی کالج کے ڈائریکٹر نے کالج چھوڑنے کی رنجش پر استاد گرفتار کروا دیا, ایس او پیز پر عمل نہ کرنے کا الزام, جہانیاں کے نجی کالج میں پڑھانے والے بائیولوجی کے استاد محمد حنیف نے تنخواہ نہ دینے پر کالج چھوڑا تو ڈائریکٹر طیش میں آگیا,
ایس او پیز پر عمل نہ کرنے کاالزام لگا کر گرفتار کروا دیا, پولیس نے شکایت ملتے ہی فوری کاروائی کرتے ہوئے پروفیسر محمد حنیف کو حراست میں لے لیا, سوشل میڈیا پر گرفتاری کی تصاویر وائرل ہوئیں تو طلبہ سمیت شہریوں میں غم و غصہ کی لہر دوڑ گئی, تاہم ٹبہ سلطان پور پولیس نے
بگڑتی صورتحال کے پیش نظر پروفیسر کے خلاف فوری طور پر مقدمہ درج کرکے حوالات میں بند کردیا ہے, یاد رہے کہ نجی کالج کے ڈائریکٹر نے کالج چھوڑنے والے سٹاف اور متعدد پروفیسرز کے خلاف اندراج مقدمہ کی درخواستیں دے رکھی ہیں,