ڈی پی او محمد علی وسیم کی زیر صدارت ڈی پی اوآفس میں ڈی ایس پی کے عہدہ پر ترقی پانے والے انسپکٹر غلام مرتضیٰ بھٹی کے اعزاز میں تقریب کا انعقاد
خانیوال (سعید احمد بھٹی) ڈسٹرکٹ پولیس آفیسر محمد علی وسیم کی زیر صدارت ڈی پی اوآفس میں ڈی ایس پی کے عہدہ پر ترقی پانے والے انسپکٹر غلام مرتضیٰ بھٹی کے اعزاز میں تقریب کا انعقاد کیا گیا جس میں ڈی ایس پی ہیڈکوارٹر لیاقت حسین‘ انسپکٹر مہر سعید احمد‘ پی اے ٹوڈی پی او حماد حسن‘ریڈٹوڈی پی اورائے فرحت نوازودیگر پولیس افسران وملازمین نے شرکت کی۔اس موقع پر غلام مرتضیٰ بھٹی کو بطورانسپکٹر ان کی خدمات کے اعتراف میں زبردست خراج تحسین پیش کیا گیا۔
ڈی پی او محمدعلی وسیم نے گفتگو کرتے ہوئے کہاکہ ڈی ایس پی کے عہدہ پر ترقی یاب ہونے والے غلام مرتضیٰ بھٹی محنتی اورقابل پولیس آفیسرہیں اوریہ ترقی ان کی محنت کا ثمر ہے میں امیدکرتا ہوں کہ وہ آئندہ بھی دیانتداری‘ سوفیصدمیرٹ کی بنیاد پر انصا ف کی فراہمی اورکسی قسم کے دباؤ کو خاطر میں نہ لاتے ہوئے اپنے فرائض منصبی اداکرتے ہوئے محکمہ پولیس اوراپنے افسران کا نام روشن کریں گے۔بعدازا ں ڈی پی او محمدعلی وسیم نے ڈی ایس پی رینک پر ترقی پانیوالے انسپکٹرغلام مرتضیٰ بھٹی کو پروموشن بیج لگائے اوران کی مزید کامیابی کے لیے دعا کی۔