ماہ محرم الحرام کا تقدس ہر مسلمان کے لئے لازم ہے- اویس رانا
شیخوپورہ(بیوروچیف/شیخ محمد طیب سے)ماہ محرم الحرام کا تقدس ہر مسلمان کے لئے لازم ہے- ان خیالات کا اظہار معروف تاجر و سینئر رہنما پی ٹی آئی شیخوپورہ اویس رانا نے میڈیا سے دوران گفتگو کیا- انہوں نے کہا کہ امام عالی مقام حضرت امام حسین حق و صداقت کے داعی اور شجاعت کے پیکر تھے جنہوں نے خونِ شہادت سے دین اسلام بچایا- انہوں نے کہا کہ ہردور میں حق و صداقت کا علم بلند کرنا،
ظالم کے سامنے کلمہ حق بلند کرنا حسینیت ہے، حسینی کردار کو اپنا کر ملک و قوم دنیا میں باوقار قوم بن سکتی ہے اور حسینی کردار اپناتے ہوئے مسلمانان عالم عظیم فاتح بن سکتے ہیں۔ انہوں نے مزید کہا کہ جملہ مکاتب فکر کو اتحاد اور بین المذاہب ہم آہنگی کو فروغ دیتے ہوئے امن کا علم بلند کرنا چاہئیے تاکہ مسلکی اختلافات سے بالاتر ہو کر دین اسلام کا پیغام امن، اخوت و رواداری دنیا میں عام ہوسکے
