تحریک منہاج القرآن گجیانہ نو و جُملہ فورمز کے زیرِاہتمام بسلسلہ استقبالِ ربیع الاول سالانہ مشعل بردار جلوس
شیخوپورہ(بیوروچیف/شیخ محمد طیب سے)
تحریک منہاج القرآن گجیانہ نو و جُملہ فورمز کے زیرِاہتمام سالانہ مشعل بردار جلوس بسلسلہ استقبالِ ربیع الاول کا انعقاد کیا گیا جس میں علاقہ کے معززین،علمائے اکرام ، اساتذہ و طلباء کے علاوہ تحریکی کارکنان و وابستگان کی کثیر تعداد شریک ہوئی- اس موقع پر امجد علی بھٹی، علامہ ضمیرالحسن چشتی، علامہ حافظ رفاقت، عابدشریف بھٹی، سیف علی بھٹی، وقاص یونس، خرم حبیب کھرل، عثمان غنی بھٹی،
ندیم عارف بھٹی و دیگر رفقا تحریک منہاج القرآن نے بھرپور شرکت کی، مشعل بردار جلوس کا پھولوں کی پتیاں نچھاور کرتے ہوئے جگہ جگہ شاندار استقبال کیا گیا- جلوس کے اختتام پر علماء کرام نے جلوس کے شرکاء سے خطاب کیا اور ماہ ربیع الاول کی اہمیت اور فضائل پر روشنی ڈالی، آخر میں ملکی سلامتی اور جملہ امت مسلمہ کی خوشحالی کے لئے خصوصی دعا بھی کی گئی
