ناتجربہ کاروں نے ملک کا ستیاناس کر دیا ہے،ممبر پنجاب اسمبلی چوہدری ساجد محمود
انہیں عوام اور پاکستا ن سے کوئی سروکار نہیں ان خیالات کا اظہار ممبر پنجاب اسمبلی چوہدری ساجد محمود نے اپنے ایک بیان میں کیا انہوں نے کہا کہ گزشتہ35سالوں سے اس ملک کو نوچ نوچ کر کھانے والوں کے ابھی تک پیٹ نہیں بھرے اپنی کئی کئی نسلوں کا مستقبل سنوارنے والوں نے کلمہ کے نام پر بننے والے اس ملک کا مستقبل تاریک کر دیا ہے پاکستان کے باشعور عوام کو ان حکمرانوں نے نجات کے لیے سیسہ پلائی دیوار بننا ہو گا اپنے حق کے لیے لڑنا ہوگا ان حکمرانوں کے عزائم آشکار ہو چکے ہیں
انکی جائیدایں اور کاروبار بیرون ملک ہیں پاکستان پر مشکل وقت آیا تو یہ نا م نہاد حکمران اہل و عیال سمیت اپنے اپنے ٹھکانوں کو روانہ ہو جائیں ملک بچانے کے لیے ہمیں ہی جدوجہد کرنی ہے جن کا جینا مرنا اس ملک میں ہے سابق وزیر اعظم عمران خان ہی وہ واحد لیڈر ہے جو حقیقی معنوں میں نا اہل اور کرپٹ ٹولے کے خلاف پاکستانی عوام کے ساتھ میدان میں کھڑا ہے یہ وقت ہے ہمیں اپنے تمام اختلافات بھلا کر سچے اور کھرے لیڈر کے شانہ بشانہ کھڑا ہونا ہو گا اگر ہم نے اس ملک کو کرپٹ سرکار کے رحم و کرم پر چھوڑ دیا تو اس ملک کی تباہی و بربادی میں ہم برابر کے زمہ دار ہوں گے انہوں نے کہا کہ صاف شفاف الیکشن ہی ملک بقا،سلامتی اور استحکام معیشت کا واحد حل ہیں
