سیکرٹری محکمہ تحفظِ ماحول ڈاکٹر ساجد محمود چوہان اور ڈائریکٹر جنرل محکمہ تحفظِ ماحول نادیہ ثاقب کا شیخوپورہ میں مختلف فیکٹریز اور ملوں کا دورہ
شیخوپورہ(بیوروچیف/شیخ محمد طیب سے)سیکرٹری محکمہ تحفظِ ماحول ڈاکٹر ساجد محمود چوہان اور ڈائریکٹر جنرل محکمہ تحفظِ ماحول نادیہ ثاقب نے آج شیخوپورہ میں مختلف فیکٹریز اور ملوں کا دورہ کیا اور فیکٹریز و ملز کے مختلف سیکشنز اور یونٹس میں جا کر قدرتی ماحول کو فضائی آلودگی اور ہر طرح کی آلودگی سے محفوظ رکھنے کے لیے جاری کردہ ایس او پیز پر عملدرآمد کے حوالے سے کیے جانے والے اقدامات کا تفصیلی جائزہ لیا۔ اس موقع پر اسسٹنٹ کمشنر شیخوپورہ لاریب اسلم ، ڈپٹی ڈائریکٹر انفارمیشن فیصل جاوید
ڈپٹی ڈائریکٹر محکمہ تحفظ ماحول عمر اشرف ، اسسٹنٹ ڈائریکٹر محکمہ تحفظ ماحول عاطف عمران اور دیگر انتظامی افسران بھی اس موقع پر موجود تھے۔ سیکرٹری محکمہ تحفظِ ماحول ڈاکٹر ساجد محمود چوہان اور ڈائریکٹر جنرل محکمہ تحفظِ ماحول پنجاب نادیہ ثاقب نے کہا کہ شہریوں کو آلودگی سے پاک ماحول کی فراہمی محکمہ تحفظ ماحولیات پنجاب کی بنیادی ذمہ داری ہے اور ماحول کو الوداع کرنے کی کسی فیکٹری یا مل کو کسی صورت اجازت نہیں دی جا سکتی۔ سیکرٹری تحفظ ماحول پنجاب ڈاکٹر ساجد محمود نے ڈپٹی ڈائریکٹر محکمہ تحفظ ماحول شیخوپورہ عمر اشرف کو ہدایت کی کہ ماحول کو آلودہ کرنے والے ہر طرح کے کام پر گہری نظر رکھی جائے اور ذمہ داران سے آہنی ہاتھوں سے نمٹا جائے
سیکرٹری محکمہ تحفظِ ماحول ڈاکٹر ساجد محمود چوہان اور ڈائریکٹر جنرل محکمہ تحفظِ ماحول پنجاب نادیہ ثاقب نے اس موقع پر بات چیت کرتے ہوئے کہا کہ کارخانوں سے پیدا ہونے والی آلودگی کو کارخانوں میں شجرکاری کے ذریعہ سے کم کیا جا سکتا ہے کیونکہ درخت قدرتی فضا کو برقرار رکھنے اور ماحول کو صاف رکھنے میں اہم کردار ادا کرتے ہیں۔ انہوں نے فیکٹریز و ملز مالکان کو ہدایت کی کہ زیادہ سے زیادہ پودے لگا کر شجرکاری مہم کو کامیاب بنائیں اور ملک کو آلودگی سے پاک رکھنے میں حکوت کا ساتھ دیں
